LUYO SA KAAYO

Sa kalibotan karon nga atong gipuy-an,
Liboan ka mga tawo ang naghandom magamhanan.
Ug tungod niining maong damgo,
Daghang mga tawo ang nahimong politiko.

Dali kita madani sa ilang mga pulong,
Wa' 'nato huna-hunaa kon nagyawyaw ba sila'g tinarong.
Tabang dinhi, tabang didto,
Mao kini ang gihimo sa  mga politiko.

Apan human sila midaog sa eleksiyon,
Kalit lang sila mahanaw ug kita makalimtan.
Asa naman ang ilang mga saad?
Wala na kini nila tagai og pagtagad.

Pipila nalang ka mga kadagkoan sa gobyerno,
Ang adunay limpyo nga tuyo sa pagserbisyo.
Ug usa sa mga maayong ehemplo,
Mao si anhing DILG Secretary Jesse Robredo.

Tungod sa maong panghitabo,
Ako nakapanghinuktok og ayo.
Dili gyod diay tanang maayo
Magpabilin og dugay kanato.

Sama sa panghitabo nga dili gayod 'nato malikayan
Ug mao kini ang gikasubo natong' kamatuoran
Nga luyo sa kamaayo ni Sir Jun Tariman
Siya mobiya na gayod sa atong tunghaan.